अथ देव्याः कवचम्
ॐ अस्य श्रीचण्डीकवचस्य ब्रह्मा ऋषिः अनुष्टुप् छन्दः,चामुण्डा देवता, अङ्गन्यासोक्तमातरो बीजम्, दिग्बन्धदेवतास्तत्वम्, श्रीजगदम्बाप्रीत्यर्थे सप्तशतीपाठाङ्गत्वेन जपे विनियोगः ।
ॐ नमश्चण्डिकायै ।।
मार्कण्डेय उवाच
ॐ यद्गुह्यं परमं लोके सर्वरक्षाकरं नृणाम् ।
यत्र कस्यचिदाख्यातं तन्मे ब्रूहि पितामह ।।१।।
ब्रह्मोवाच
अस्ति गुह्यतमं विप्र सर्वभूतोपकारकम् ।
देव्यास्तु कवचं पुण्यं तच्छृणुष्व महामुने ।।२।।
प्रथमं शैलपुत्री च द्वितीयं ब्रह्मचारिणी ।
तृतीयं चन्द्रघण्टेति कूष्माण्डेति चतुर्थकम् ।।३।।
पञ्चमं स्कन्दमातेति षष्ठं कात्यायनीति च।
सप्तमं कालरात्रीति महागौरीति चाष्टमम् ।।४।।
नवमं सिद्धिदात्री च नवदुर्गाः प्रकीर्तिताः ।
उक्तान्येतानि नामानि ब्रह्मणैव महात्मना ।।५।।
अग्निता दहामानस्तु शत्रुमध्ये गतो रणे ।
विषमे दुर्गमे चैव भयार्ताः शरणं गताः ।।६।।
न तेषां जायते किंचिदशुभं रणसंकटे ।
नापदं तस्य पश्यामि शोकदुःखभयं न हि ॥ ७ ॥
यैस्तु भक्त्या स्मृता नूनं तेषां वृद्धिः प्रजायते ।
ये त्वां स्मरन्ति देवेशि रक्षसे तान्न संशयः ।।८।।
प्रेतसंस्था तु चामुण्डा वाराही महिषासना।
ऐन्द्री गजसमारूदा वैष्णवी गरुडासना ।। ९ ।।
माहेश्वरी वृषारूढा कौमारी शिखिवाहना।
लक्ष्मी: पद्मासना देवी पद्महस्ता हरिप्रिया ।।१०।।
श्वेतरूपधरा देवी ईश्वरी वृषवाहना।
ब्राह्मी हंससमारूढा सर्वाभरणभूषिता ।।११।।
इत्येता मातरः सर्वा सर्वयोगसमन्विताः। नानाभरणशोभाढया नानारत्नोपशोभिताः ।।१२।।
दृश्यन्ते रथमारूढा देव्यः क्रोधसमाकुलाः।
शङ्खं चक्रं गदां शक्तिं हलं च मुसलायुधम् ।।१३।।
खेटकं तोमरं चैव परशुं पाशमेव च।
कुन्तायुधं त्रिशूलं च शार्ङ्गमायुधमुत्तमम् ।।१४।।
दैत्यानां देहनाशाय भक्तानामभये च ।
धारयन्त्यायुधानीत्थं देवानां च हिताय वै ।। १५ ।।
नमस्तेऽस्तु महारौद्रे महाघोरपराक्रमे।
महाबले महोत्साहे महाभयविनाशिनि ।।१६।।
त्राहिमां देवि दुष्प्रेक्ष्ये शत्रुणां भयवर्धिनि ।
प्राच्यां रक्षतु मामैन्द्री आग्नेय्यामग्निदेवता ।।१७।।
दक्षिणेऽवतु वाराही नैर्ऋत्यां खड्गधारिणी । प्रतीच्या वारुणी रक्षेद् वायव्यां मृगवाहिनी ।।१८।।
उदीच्यां पातु कौमारी ऐशान्यां शूलधारिणी ।
ऊर्ध्वं ब्रह्माणि में रक्षेदधस्ताद् वैष्णवी तथा ।। १९ ।।
एवं दश दिशो रक्षेच्चामुण्डा शववाहना।
जय मे चाग्रतः पातु विजया पातु पृष्ठतः ।। २० ।।
अजिता वामपा वे तु दक्षिणे चापराजिता । शिखामुद्योतिनी रक्षेदुमा मूर्ध्नि व्यवस्थिता ।।२१।।
मालाधरी ललाटे च ध्रुवौ रक्षेद यशस्विनी।
त्रिनेत्रा च ध्रुवोर्मर्ध्य यमघण्टा च नासिके ।।२२।।
खडंगिनी चक्षुषोर्मध्ये श्रोत्रयोर्द्वारिवासिनी।
कपोलौ कालिका रक्षेत्कर्णमूले तुशांकरी ।। २३ ।।
नासिकायां सुगन्धा च उत्तरोष्ठेच चर्चिका ।
अधरे चामृतकला जिह्वायां च सरस्वती ।। २४ ।।
दन्तान् रक्षतु कौमारी कण्ठदेशे तु चण्डिका। घण्टिकां चित्रघण्टा च महामाया च तालुके ।। २५ ।।
कामाक्षी चिबुकं रक्षेद वाचं मे सर्वमङ्गला।
ग्रीवायां भद्रकाली च पृष्ठवंशे धनुर्धरी ।। २६ ।।
नीलग्रीवा बहिः कण्ठे नलिकां नलकूबरी । स्कन्धयोः खड्गिनी रक्षेद् बाहूमे वज्रधारिणी।।२७।।
हस्तयोर्दण्डिनी रक्षेदम्बिका चाङ्गुलीषु च । नखाच्छूलेश्वरी रक्षेत्कुक्षौ रक्षेत्कुलेश्वरी॥२८॥
स्तनौ रक्षेन्महादेवी मनः शोकविनाशिनी।
हृदये ललिता देवी उदरे शूलधारिणी ।।२९ ।।
नाभौ च कामिनी रक्षेद् गुह्यं गुह्येश्वरी तथा ।
पूतना कामिका में गुदे महिषवाहिनी ।।३०।।
कटयां भगवती रक्षेज्जानुनी विन्ध्यवासिनी।
जंड्घे महाबला रक्षेत्सर्वकामप्रदायिनी ।।३१।।
गुल्फयोर्नारसिंही च पादपृष्ठेतु तैजसी ।
पादाङ्गुलीषु श्री रक्षेत्पादाधस्तलवासिनी ।। ३२ ।।
नखान् दंष्ट्राकराली च केशां चैवोर्ध्वकशिनी । रोमकूपेष कौबेरी त्वचं वागीश्वरी तथा।।३३।।
रक्तमजावसामांसान्यस्थिमेदांसि पार्वती ।
अत्राणि पित्तं च मुकुटेश्वरी॥ ३४।।
पद्मावती पद्मकोशे कफे चूडामणिस्तथा । ज्वालामुखी नखज्वालामभेद्या सर्वसंधिषु ॥३५॥
शुक्रं ब्रह्माणि मे रक्षेच्छायां छत्रेश्वरी तथा।
अहंकारं मनो बुद्धिं रक्षेन्मे धर्मधारिणी ॥३६॥
प्राणापानौ तथा व्यानमुदानं च समानकम् । वज्रहस्ता च मे रक्षेत्प्राणं कल्याणशोभना ।।३७||
रसे रूपे च गन्ये च शब्दे स्पर्शे च योगिनी।
सत्यं रजस्तमवैवरक्षेत्रारायणी सदा॥३८ ।।
आयु रक्षतु वाराही धर्म रक्षतु वैष्णवी।
यशः कीर्ति च लक्ष्मी च धन विद्यां च चक्रिणी।।३९ ।।
गोत्रमिन्द्राणि मे रक्षेत्पशून्मे रक्ष चण्डिके।
पुत्रान्रक्षेन्महालक्ष्मी भर्या रक्षतु भैरवी ॥४०॥
पन्थानं सुपथा रक्षेन्मार्ग क्षेमकरी तथा राजद्वारे महालक्ष्मीर्विजया सर्वतः स्थिता ॥४१॥
रक्षाहीनं तु यस्थानं वर्जितं कवचेन तू ।
तत्पर्य रक्ष मे देवि जयन्ती पापनाशिनी ॥४२॥
पदमेकं न गच्छेतु यदीच्छेच्छुभमात्मनः। कवचेनावृतो नित्यं यत्र यत्रैव गच्छति ।।४३।।
तत्र तत्रार्थलाभश्च विजय: सार्वकामिकः ।
यं यं चिन्तयते कामं तं तं प्राप्नोति निश्चितम् ।।
परमैश्वर्यमतुलं प्राप्स्यते भूतले पुमान् ।।४४ ।।
निर्भया जायते मर्त्यः संग्रामेष्वपराजितः ।
त्रयोक्ले तु भवेत्पूज्यः कवचेनावृतः पुमान्।।४५।।
इदं तु देव्याः कवचं देवानामपि दुर्लभम् ।
यः पठेत्प्रयतो नित्यं त्रिसन्ध्यं श्रद्धयान्वितः। ॥४३ ।।
दैवी कला भवेत्तस्य त्रैलोक्येष्वपराजितः ।
जीवेद् वर्षशतं साग्रमपमृत्युविवर्जितः ।।४७।।
नश्यन्ति व्याधयः सर्वे लूताविस्फोटकादयः ।
स्थावरं जङ्गमं चैव कृत्रिमं चापि यद्विषम् ।।४८ ।।
अभिचाराणि सर्वाणि मन्त्रयन्त्राणि भूतले।
भूचरा: खेचराश्चैव जलजा चोपदेशिकाः ।।४९ ।।
सहजा कुलजा माला डाकिनी शाकिनी तथा । अन्तरिक्षचरा घोरा डाकिन्यश्च महाबलाः ।।५।।
ग्रहभूतपिशाचाच यक्षगन्धर्वराक्षसाः । ब्रह्मराक्षसवेतालाः कूष्माण्डा भैरवादयः ।।५१ ।।
नश्यन्ति दर्शनात्तस्य कवचे हृदि संस्थिते । मानोन्नतिर्भवेद् राज्ञस्तेजोवृद्धिकरं परम् ।।५२ ।।
यशसा वर्धते सोऽपि कीर्तिमण्डितभूतले । जपेत्सप्तशर्ती चण्डीं कृत्वा तु कवचं पुरा । ।५३ ।।
यावद्भूमण्डलं धत्ते सशैलवनकाननम्।
तावत्तिष्ठाति मेदिन्यां संततिः पुत्रपौत्रिकी ।।५४ ।।
देहान्ते परमं स्थानं यत्सुरैरपि दुर्लभम् ।
प्राप्रोति पुरुषो नित्यं महामायाप्रसादतः ।।५५।।
लभते परमं रूपं शिवेन सहमोदते ।। ॐ।।५६ ।।
इति देव्याः कवचं सम्पूर्णम्
🙏 ज्योतिषाचार्या सुदेश शर्मा कुरुक्षेत्र हरियाणा